കോന്നി : കോന്നി ഡിവിഷനിൻ നടുവത്തുമൂഴി, കരിമാൻതോട് , പാടം എന്നീ ഫോറസ്റ്റ് സ്റ്റേഷനുകളിലെ സർക്കാർ വക തേക്കുതോട്ടങ്ങളിൽ നിന്ന് വനംവകുപ്പ് ജീവനക്കാരുടെ ഒത്താശയോടെയാണ് തേക്കുമരങ്ങൾ മുറിച്ച് കടത്തിയതെന്ന് കെ.പി.സി.സി അംഗം പി. മോഹൻരാജ് . വനംകൊള്ളയെക്കുറിച്ച് അന്വേഷിക്കണമെന്നാവശ്യപ്പെട്ട് കോന്നി , തണ്ണിത്തോട് ബ്ലോക്ക് കമ്മറ്റികളുടെ നേതൃത്വത്തിൽ കോന്നി ഡിവിഷൻ ഫോറസ്റ്റ് ഓഫീസിലേക്ക് നടത്തിയ ധർണ്ണ ഉദ്ഘാടനം ചെയ്യുകയായിരുന്നു അദ്ദേഹം.
കോന്നി എം.എൽ.എയുടെ ഓഫീസിൽ നിന്ന് ഈ സംഭവത്തിൽ നടത്തിയ ഇടപെടലിനെ സംബന്ധിച്ചും സി.പി. ഐ (എം) നേതൃത്വത്തിന്റെ പങ്കിനെക്കുറിച്ചും അന്വേഷണം നടത്തണമെന്നും പി. മോഹൻരാജ് ആവശ്യപ്പെട്ടു . കോന്നി ബ്ലോക്ക് പ്രസിഡന്റ് എസ്. സന്തോഷ് കുമാർ ചടങ്ങിൽ അദ്ധ്യക്ഷത വഹിച്ചു. ഡി.സി. സി. പ്രസിഡന്റ് ബാബു ജോർജ്, കെ.പി.സി.സി അംഗം മാത്യൂ കുളത്തുങ്കൽ , ഡി.സി.സി. വൈസ് പ്രസിഡന്റുമാരായ വെട്ടൂർ ജ്യോതിപ്രസാദ് , റോബിൻ പീറ്റർ ,ഡി.സി.സി ജനറൽ സെക്രട്ടറിമാരായ സാമുവൽ കിഴക്കുപുറം , സജി കൊട്ടയ്ക്കാട് , കോന്നിയൂർ പി.കെ , തണ്ണിത്തോട് ബ്ലോക്ക് പ്രസിഡന്റ് റോയിച്ചൻ ഏഴികത്ത് , ഡി.സി.സി എക്സിക്യൂട്ടിവ് അംഗം സലിം പി. ചാക്കോ, ശ്യാം എസ്. കോന്നി , റോജി എബ്രഹാം , ശ്രീകുമാർ അരുവാപ്പുലം , മോൻസി ഡാനിയേൽ, ഐവാൻ വകയാർ , വി.എൻ. ചെറിയാൻ , രവി കണ്ടത്തിൽ , സജി കുളത്തുങ്കൽ , സാം മാത്യു , മോനിഷ് മുട്ടുമണ്ണിൽ തുടങ്ങിയവർ പ്രസംഗിച്ചു.