ജുബൈൽ : സന്ദർശക വിസയിൽ സൗദിയിലെത്തിയ മലയാളി കോവിഡ് ബാധിച്ച് മരിച്ചു. കോഴിക്കോട് കൊയിലാണ്ടി തൊട്ടോളി സ്വദേശി പുതിയപുരയിൽ ഹസ്സൻകുട്ടി (70) ആണ് ജുബൈലിൽ മരിച്ചത്. രോഗബാധയെ തുടർന്ന് ഒരാഴ്ചയായി ജുബൈലിലെ ഒരു ഹോട്ടലിൽ ക്വറൻറീനിൽ ആയിരുന്നു. ബുധനാഴ്ച ആരോഗ്യ നില വഷളാവുകയും മരണം സംഭവിക്കുകയുമായിരുന്നു. മകളും ജുബൈൽ ഇന്ത്യൻ സ്കൂൾ അധ്യാപികയുമായ ആയിഷ നജിതയോടൊപ്പം താമസിച്ചുവരുകയിരുന്നു.
ഭാര്യ – പട്ടുതെരുവ് തുപ്പട്ടി വീട്ടിൽ സൈനബി. മക്കള് – സഹീർ (ദുബൈ), നവാസ് (ബഹ്റൈൻ). മക്കൾ. മരുമക്കൾ – പി.എൻ.എം. നിഹാൻ (ജുബൈൽ), വാണിശ്ശേരി പർവീൻ, ഒറ്റിയിൽ ഖദീജ. മൃതദേഹം ജുബൈൽ ജനറൽ ആശുപത്രി മോർച്ചറിയില്.
