കോവിഡ് വ്യാപനം നടന്നുവെന്ന് വ്യാജ സന്ദേശം നല്‍കി ജനങ്ങളെ പരിഭ്രാന്തരാക്കിയ യുവാവ്​ അറസ്റ്റില്‍

മൂവാറ്റുപുഴ : നഗരത്തില്‍ കോവിഡ് വ്യാപനം നടന്നുവെന്ന് വ്യാജ സന്ദേശം നല്‍കി ജനങ്ങളെ പരിഭ്രാന്തരാക്കിയ സംഭവത്തില്‍ യുവാവ്​ അറസ്റ്റില്‍. മാറാടി മീങ്കുന്നം കുന്നുംപുറത്ത് ജിബിന്‍ ജോസിനെയാണ് (25) മൂവാറ്റുപുഴ എസ്.ഐ ടി.എം. സൂഫിയുടെ നേതൃത്വത്തിലുള്ള പോലീസ് സംഘം വീട്ടില്‍ നിന്നും കസ്റ്റഡിയിലെടുത്തത്. വ്യാജ പ്രചരണത്തെ തുടര്‍ന്ന് ഞായറാഴ്ച നടക്കേണ്ട വിവാഹ നിശ്ചയങ്ങളടക്കമുള്ള നിരവധി ചടങ്ങുകള്‍ മാറ്റിവെച്ചു. ജനങ്ങള്‍ പരിഭ്രാന്തരായി പോലീസിലും മാധ്യമ സ്ഥാപനങ്ങളിലുമടക്കം വിളിച്ച്‌ നിജസ്ഥിതി അന്വേഷിക്കുകയും ചെയ്തു.