ചെന്നൈ : തെന്നിന്ത്യൻ ചലച്ചിത്രതാരം ഉഷാറാണി (62) അന്തരിച്ചു. വ്യക്കസംബന്ധമായ അസുഖത്തെ തുടർന്ന് ചികിൽസയിലിരിക്കെ ചെന്നൈയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം. അന്തരിച്ച സംവിധായകനായ എൻ. ശങ്കരൻ നായരാണ് ഭർത്താവ് .വിഷ്ണു ശങ്കർ ഏകമകനാണ്. മരുമകൾ കവിത.
1955ൽ പുറത്തിറങ്ങിയ “ന്യൂസ് പേപ്പർ ബോയ് ” എന്ന ചിത്രത്തിൽ ബാലതാരമായി അഭിനയിച്ചാണ് സിനിമയിൽ തുടക്കം. മലയാളം, തമിഴ്, തെലുങ്ക് , കന്നഡ , ഹിന്ദി ഭാഷകളിലായി ഇരുന്നൂറിൽപരം സിനിമകളിൽ അഭിനയിച്ചു. പ്രേംനസീർ , ശിവാജി ഗണേശൻ , എം.ജി.ആർ , ജയലളിത , കമൽഹാസൻ എന്നിവരോടൊപ്പം അഭിനയിച്ചിട്ടുണ്ട്.
