കൊച്ചി : നാളെ മുതല് ഗുരുവായൂരില് ഭക്തര്ക്ക് ദര്ശനം അനുവദിക്കില്ല. തൃശൂര് ജില്ലയില് കോവിഡ് വ്യാപനം കൂടിയ പശ്ചാത്തലത്തിലാണ് തീരുമാനം. നാളെ നിശ്ചയിച്ച രണ്ട് വിവാഹങ്ങള്ക്ക് മാത്രം പ്രത്യേക അനുമതി നല്കി. ഗുരുവായൂര് ക്ഷേത്രഭരണ സമിതിയുടേതാണ് തീരുമാനം. ഈ തീരുമാനത്തെ സര്ക്കാര് അംഗീകരിച്ചിച്ചുണ്ട്.
സുരക്ഷാകാര്യത്തില് ക്ഷേത്രജീവനക്കാര്ക്കും ആശങ്കയുണ്ടെന്ന് ദേവസ്വം മന്ത്രി കടകംപള്ളി സുരേന്ദ്രന് പറഞ്ഞു. അതേസമയം ഗുരുവായൂര് ക്ഷേത്രത്തില് ആചാരപരമായ എല്ലാ ചടങ്ങുകളും തുടരുമെന്നും മന്ത്രി പറഞ്ഞു. മറ്റുക്ഷേത്രങ്ങള്ക്ക് ഉചിതമായ തീരുമാനമെടുക്കാമെന്നും മന്ത്രി വ്യക്തമാക്കി. ദേവസ്വംബോര്ഡ് ക്ഷേത്രങ്ങളുടെ കാര്യത്തില് ബോര്ഡാണ് തീരുമാനം എടുക്കേണ്ടതെന്നും അദ്ദേഹം പറഞ്ഞു.
