ന്യൂഡല്ഹി: 24 മണിക്കൂറിനിടെ രാജ്യത്ത് 18,327 പുതിയ കോവിഡ് കേസുകള് കൂടി റിപ്പോര്ട്ട് ചെയ്തു. 108 പേര് കഴിഞ്ഞ ദിവസം കോവിഡ് ബാധിച്ച് മരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു.
ഇതോടെ രാജ്യത്തെ ആകെ കോവിഡ് കേസുകളുടെ എണ്ണം 1,11,92,088 ആയി. 1,80,304 പേരാണ് നിലവില് ചികിത്സയിലുള്ളത്. 1,57,656 പേരാണ് രാജ്യത്ത് മഹാമാരി മൂലം മരിച്ചത്. ഐ.സി.എം.ആറിന്റെ കണക്കുകള് പ്രകാരം 2021 മാര്ച്ച് അഞ്ച് വരെ 22,06,92,677 സാമ്പിളുകള് പരിശോധിച്ചു. 7,51,935 സാമ്പിളുകളാണ് വെള്ളിയാഴ്ച പരിശോധിച്ചത്.
1,94,97,704 പേര്ക്ക് കോവിഡ് വാക്സിനേഷന് ലഭ്യമാക്കിയതായി ആരോഗ്യമന്ത്രാലയം അറിയിച്ചു. മാര്ച്ച് ഒന്നിനാണ് മുതിര്ന്ന പൗരന്മാര്ക്കും 45 വയസിന് മുകളില് പ്രായമുള്ള മറ്റ് രോഗബാധിതരുമായ വ്യക്തികള്ക്ക് വാക്സിന് ലഭ്യമാക്കാനുള്ള യജ്ഞം ആരംഭിച്ചത്.
