തിരുവനന്തപുരം : യുണിടാക് എംഡി സന്തോഷ് ഈപ്പന് വാങ്ങിയ ഐഫോണുകളിലൊന്ന് ഉപയോഗിച്ചത് കോടിയേരി ബാലകൃഷ്ണന്റെ ഭാര്യ വിനോദിനിയാണെന്ന കണ്ടെത്തലിനു പിന്നാലെ പരിഹാസവുമായി കോണ്ഗ്രസ് നേതാക്കള്. ഷാഫി പറമ്പിലും ടി സിദ്ധിഖും പരിഹാസവുമായി രംഗത്തെത്തിയതിനു പിന്നാലെ ജ്യോതികുമാര് ചാമക്കാലയുടെ കുറിപ്പും ശ്രദ്ധേയമാകുന്നു.
ജ്യോതികുമാര് ചാമക്കാലയുടെ കുറിപ്പ്:
‘രമേശ് ചെന്നിത്തല കൊണ്ടുപോയെന്ന് കോടിയേരി ബാലകൃഷ്ണന് പാടി നടന്ന സന്തോഷ് ഈപ്പന്റെ കൈക്കൂലി ഐ ഫോണ് കോടിയേരിയുടെ തലയിണക്കടിയില് നിന്ന് കസ്റ്റംസ് പൊക്കിയിരിക്കുന്നു. വിനോദിനി ബാലകൃഷ്ണന് കസ്റ്റംസ് നോട്ടീസ്. കോടിയേരിയെപ്പോലെ സ്വന്തം കുടുംബത്താല് ഇങ്ങനെ വഞ്ചിക്കപ്പെട്ട മറ്റൊരു നേതാവുണ്ടാവില്ല..’
