കോഴിക്കോട് : പയ്യാനക്കലിൽ കോവിഡ് പോസിറ്റീവാണെന്നാരോപിച്ച് ഒരു വോട്ടറെ പ്രിസൈഡിങ് ഓഫീസർ വോട്ട് ചെയ്യാനനുവദിച്ചില്ലെന്ന് പരാതി. വോട്ട് ചെയ്യാനായി ബൂത്തിനകത്തേക്കു കയറിയപ്പോൾ കോവിഡ് പോസിറ്റീവാണെന്ന് പറയുകയും തപാൽവോട്ടാണെന്ന് പറഞ്ഞ് തിരിച്ചയയ്ക്കുകയായിരുന്നു.
പ്രിസൈഡിങ് ഓഫീസറുടെ ലിസ്റ്റിൽ അർഷാദ് എന്ന പേരിൽ കോവിഡ് രോഗിയുണ്ടെന്നും പേരിൽ വന്ന തെറ്റിദ്ധാരണകളാണ് ഇത്തരമൊരു സാഹചര്യത്തിന് പിന്നിലെന്നും പോളിങ് ഏജന്റ് പറഞ്ഞു. ജില്ലാ കലക്ടർക്ക് പരാതി നൽകുമെന്ന് അർഷാദ് പറഞ്ഞു.