തിരുവനന്തപുരം : ആശങ്ക ഉയര്ത്തി കോവിഡ് മുന്നേറുന്നു. സംസ്ഥാനത്ത് 211 പേര്ക്കുകൂടി ഇന്ന് രോഗം സ്ഥിരീകരിച്ചു. ഒരു ദിവസം സ്ഥിരീകരിക്കുന്ന ഏറ്റവും ഉയര്ന്ന സംഖ്യയാണ് ഇത്. 27 പേര്ക്ക് സമ്പര്ക്കം വഴി കോവിഡ് ബാധിച്ചു എന്നതും ആശങ്കയ്ക്ക് വഴി തുറക്കുന്നു. രോഗം സ്ഥിരീകരിച്ചവരില് 138 പേര് വിദേശത്തുനിന്ന് വന്നവരും , 39 പേര് മറ്റ് സംസ്ഥാനങ്ങളില് നിന്ന് വന്നവരുമാണ്. 6 സിഐഎസ്എഫ് ജവാന്മാര്ക്കുകൂടി കോവിഡ് സ്ഥിരീകിരിച്ചു. 201 പേര്ക്ക് രോഗമുക്തിയുണ്ട്.
മലപ്പുറം 35, കൊല്ലം 23, ആലപ്പുഴ 21, തൃശൂര് 21, കണ്ണൂര് 18, എറണാകുളം 17, തിരുവനന്തപുരം 17, പാലക്കാട് 14, കോട്ടയം 14, കോഴിക്കോട് 14, കാസര്കോട് 7, പത്തനംതിട്ട 7, ഇടുക്കി 2, വയനാട് 1 എന്നിങ്ങനെയാണ് ഇന്ന് രോഗം സ്ഥിരീകരിച്ചവരുടെ കണക്കുകള്.
തിരുവനന്തപുരം 5 , പത്തനംതിട്ട 29, ആലപ്പുഴ 2, കോട്ടയം 16, എറണാകുളം 20, തൃശൂര് 5, പാലക്കാട് 68, മലപ്പുറം 10, കോഴിക്കോട് 11, കണ്ണൂര് 13, വയനാട് 10, കാസര്കോട് 12 എന്നിങ്ങനെയാണ് ഇന്ന് രോഗമുക്തി ലഭിച്ചവര്.
കഴിഞ്ഞ 24 മണിക്കൂറില് 7306 സാമ്പിളുകള് പരിശോധിച്ചു. സംസ്ഥാനത്ത് ചികിത്സയില് 2098 പേര് ഉണ്ട്. 1,7,717 പേര് നിരീക്ഷണത്തിലാണ്. ഇവരില് 2794 പേര് ആശുപത്രിയില്. ഇന്ന് 378 പേരെ ആശുപത്രിയില് പ്രവേശിപ്പിച്ചു. ഇതുവരെ സെന്റിനല് സര്വയലന്സിന്റെ ഭാഗമായി മുന്ഗണനാ വിഭാഗത്തില് പെട്ട 53,922 സാമ്പിളുകള് ശേഖരിച്ചു. അതില് 59,240 എണ്ണം നെഗറ്റീവ് ആയി.
ആകെ ഹോട് സ്പോട്ടുകള് 130. രോഗവ്യാപനത്തിന്റെ തോത് കൂടുന്നു. 14 ജില്ലകളിലും രോഗബാധിതര് വര്ധിച്ചു. തിരുവനന്തപുരം, എറണാകുളം നഗരങ്ങളിലും മലപ്പുറം ജില്ലയിലെ പൊന്നാനി താലൂക്കിലും ഗുരുതരമായ സാഹചര്യമാണ് നിലനില്ക്കുന്നത്. ചെല്ലാനത്ത് അറുപത്തിനാലുകാരിയായ വീട്ടമ്മയ്ക്ക് കോവിഡ് സ്ഥിരീകരിച്ചതോടെ കോവിഡ് നിയന്ത്രണങ്ങള് കടുപ്പിച്ച് എറണാകുളം ജില്ലാ ഭരണകൂടം. ചെല്ലാനം പഞ്ചായത്തിലെ രണ്ട് വാര്ഡുകള് കണ്ടെയ്ന്മെന്റ് സോണാക്കി.
