തിരുവനന്തപുരം : സംസ്ഥാനത്ത് കോവിഡ് ജാഗ്രതയില്‍ കുറവുവന്നുവെന്ന് മുഖ്യമന്ത്രി പിണറായി വിജയൻ. മരണനിരക്ക് കൂടിയേക്കാം. തിരിച്ചു പിടിക്കാന്‍ കഴിയാത്തതല്ല. ഐഎംഎയുടെ വിമര്‍ശനം ശരിയായ നടപടിയല്ല. സ്വയം വിദഗ്ധര്‍ എന്നു കരുതുന്നവര്‍ തെറ്റിദ്ധാരണ പരത്തുന്നു.
അര്‍ഹിക്കുന്ന വിമര്‍ശനമാണോ എന്ന് വിമര്‍ശകര്‍ പരിശോധിക്കണം. വിദഗ്ധരെ ബന്ധപ്പെടുത്തിയാണ് കോവിഡ് പ്രതിരോധം. ആരോഗ്യവകുപ്പിന് പുഴു അരിച്ചുവെന്ന് പറഞ്ഞവര്‍ക്ക് വേറെ ഉദ്ദേശമുണ്ട്. ആരോഗ്യവകുപ്പിനല്ല, പറയുന്നവരുടെ മനസാണ് പുഴുവരിച്ചത്.
