സൗദി : ഇന്ത്യയടക്കം 20 രാജ്യങ്ങളില്‍ നിന്നുള്ളവര്‍ക്ക് സൗദി വിലക്കേര്‍പ്പെടുത്തി. കോവിഡ് രൂക്ഷമായ രാജ്യങ്ങളില്‍ നിന്നുള്ളവര്‍ക്ക് വിലക്കേര്‍പ്പെടുത്തുവാന്‍ തീരുമാനിച്ച പശ്ചാത്തലത്തിലാണ് ഇന്ത്യക്കും സൗദി പ്രവേശന വിലക്കേര്‍പ്പെടുത്തിയത്. കോവിഡ് വ്യാപനം ശക്തമായി സാഹചര്യമായതിനാല്‍ ആരോഗ്യ പ്രവര്‍ത്തകര്‍ക്കുള്‍പ്പെടെ വിലക്ക് ബാധകമാക്കിയിട്ടുണ്ട്.
ഇത് സൗദിയിലേക്ക് മടങ്ങാനൊരുങ്ങുന്ന പ്രവാസികള്‍ക്ക് കനത്ത തിരിച്ചടിയായി. യുഎഇയ്ക്കും വിലക്കുള്ളതിനാല്‍ പ്രവാസികള്‍ക്ക് യുഎഇ വഴി പോകാനും സാധിക്കില്ല. ഇന്ന് മുതലാണ് വിലക്ക് നിലവില്‍ വരിക. ആഭ്യന്തര മന്ത്രാലയമാണ് ഇക്കാര്യം പുറപ്പെടുവിച്ചിരിക്കുന്നത്.
