തിരുവനന്തപുരം: തിരുവനന്തപുരം ജില്ലയില് കൊവിഡ് വ്യാപനം രൂക്ഷമാകുന്നു. തേക്കുംമൂട് ബണ്ട് കോളനിയില് ഇന്ന് 18 പേര്ക്ക് കൂടി കൊവിഡ് സ്ഥിരീകരിച്ചു. ഇന്നലെ ഇവിടെ 17 പേര്ക്ക് കൊവിഡ് സ്ഥിരീകരിച്ചിരുന്നു. ആകെ 38 പേര്ക്കാണ് ബണ്ട് കോളനിയില് രോഗബാധ സ്ഥിരീകരിച്ചത്.
തിരുവനന്തപുരം ജില്ലയില് രോഗലക്ഷണങ്ങള് ഇല്ലാത്ത രോഗികളെ വീട്ടില് പാര്പ്പിക്കാനുള്ള തീരുമാനത്തില് രണ്ട് ദിവസത്തിനകം മാര്ഗനിര്ദ്ദേശങ്ങള് അറിയിക്കുമെന്ന് ജില്ലാ കളക്ടര് നവജ്യോത് ഖോസ അറിയിച്ചു. എല്ലാ വശവും ആലോചിച്ചാണ് ഹോം ഐസോലെഷന് തീരുമാനമെന്നും ജില്ല കളക്ടര് വ്യക്തമാക്കി.
കോളനികളില് കൊവിഡ് രോഗബാധയുണ്ടാകുന്നത് ആശങ്കയുണ്ടാക്കുന്നുണ്ടെന്ന് മേയര് കെ.ശ്രീകുമാര് അറിയിച്ചു. നഗരസഭയുടെ നേതൃത്വത്തില് മത്സ്യതൊഴിലാളികള്ക്ക് 1000 രൂപയുടെ ഭക്ഷ്യകിറ്റ് നല്കുമെന്ന് പറഞ്ഞ അദ്ദേഹം ഓണക്കിറ്റ് വിതരണത്തിന് ശേഷം നഗരസഭയുടെ കിറ്റുകള് വിതരണം ചെയ്യുമെന്നും പറഞ്ഞു.
