ന്യൂഡല്ഹി : രണ്ടുമുതല് 18 വയസ്സുളളവരില് കോവാക്സിന്റെ രണ്ടും മൂന്നുംഘട്ട ക്ലിനിക്കല് പരീക്ഷണങ്ങള് ജൂണില് ആരംഭിക്കും. ഡല്ഹി എയിംസ്, എയിംസ് പട്ന, മെഡ്ട്രിന ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസ് നാഗ്പുര് ഉള്പ്പടെ വിവിധ ഇടങ്ങളിലായി 525 കുട്ടികളിലാണ് പരീക്ഷണം നടക്കുന്നത്.
ക്ലിനിക്കല് പരീക്ഷണത്തിനായി തെരഞ്ഞെടുക്കപ്പെട്ടിട്ടുളളവരില് ഏറ്റവും പ്രായം കുറവ് രണ്ടുവയസ്സുളള കുട്ടിയാണെന്നും വൃത്തങ്ങള് അറിയിച്ചു. ജൂണില് ആരംഭിക്കുന്ന പരീക്ഷണം ജൂലൈ മധ്യത്തോടെ അവസാനിക്കും. മെയ് 13-നാണ് കുട്ടികളില് വാക്സിന് പരീക്ഷണം നടത്തുന്നതിന് ഡ്രഗ്സ് കണ്ട്രോളര് ഓഫ് ഇന്ത്യ അനുമതി നല്കുന്നത്.
