പത്തനംതിട്ട : സാമൂഹ്യ പ്രവർത്തക ഡോ. എം. എസ്. സുനിലിന്റെ നേത്രുത്വത്തില് കോവിഡ് പ്രതിരോധ പ്രവർത്തനത്തിന്റെ ഭാഗമായി തെരഞ്ഞെടുത്ത ആശാ പ്രവർത്തകർക്കും മുന്നണി പോരാളികൾക്കും പള്സ് ഓക്സിമീറ്ററുകള് നല്കി. ആദ്യ ഘട്ടമായി ടോമി മെത്തിപ്പാറയുടെ സഹായത്താൽ 50 പള്സ് ഓക്സിമീറ്ററുകളാണ് വിതരണം ചെയ്തത്.
പത്തനംതിട്ട ജില്ലയുടെ വിവിധ ഭാഗങ്ങളിൽ കൂടുതൽ പോസിറ്റീവ് രോഗികൾ ഉള്ള പ്രദേശങ്ങളിലേക്കാണ് ഇവ നല്കിയത്. ചെന്നീർക്കര പഞ്ചായത്തിലെ നല്ലാനിക്കുന്നില് നടന്ന ചടങ്ങിൽ മെമ്പർമാരായ മഞ്ജുഷ, സജി കുമാർ, കെ. പി. ജയലാൽ, ദീപ. എ. കെ., അംബിക എന്നിവർ പങ്കെടുത്തു. ജില്ലയുടെ വിവിധ ഭാഗങ്ങളിലായി ഭക്ഷ്യധാന്യ കിറ്റുകളും സുനില് ടീച്ചറിന്റെ നേത്രുത്വത്തില് നൽകി വരുന്നു.
