ഫ്ളോറിഡ : കോശങ്ങള്ക്കുള്ളിലേക്കുള്ള കോവിഡ് വൈറസിന്റെ പ്രവേശനവും അവയുടെ പകര്പ്പുണ്ടാക്കലും നിയന്ത്രിക്കാന് സാധിച്ചാല് കോവിഡിനെ തുടക്കത്തില് തന്നെ തടയാന് കഴിയുമെന്നാണ് പഠനങ്ങള് പറയുന്നത്. ഇതിന് സാധിക്കുന്ന രണ്ട് മരുന്ന് സംയുക്തങ്ങള് കണ്ടെത്തിയിരിക്കുകയാണ് സൗത്ത് ഫ്ളോറിഡ് സര്വകലാശാലയിലെ ശാസ്ത്രജ്ഞര്.
കാല്പെയ്ന് ഇന്ഹിബിറ്റര് II, XII എന്നീ സംയുക്തങ്ങളാണ് കോശങ്ങള്ക്കുള്ളിലേക്കുള്ള വൈറസിന്റെ പ്രവേശനത്തെയും അവയുടെ പെരുകലിനെയും തടയുന്നത്. വൈറസിന്റെ കോശങ്ങളിലെ പ്രവേശനത്തെ തടയാന് മനുഷ്യരിലെ ഹോസ്റ്റ് പ്രോട്ടീനായ കാതെപ്സിന് L നെയാണ് ഈ മരുന്നുകള് ലക്ഷ്യമിടുന്നത്. വൈറസിന് പകര്പ്പുണ്ടാക്കാന് ആവശ്യമായ പ്രോട്ടീനായ എംപ്രോയെയും(mPro) കാല്പെയ്ന് ഇന്ഹിബിറ്റേഴ്സിന് നിയന്ത്രിക്കാന് കഴിയും. എംപ്രോയ്ക്കെതിരെ നിലവില് ഉപയോഗിക്കുന്ന ജിസി-376നേക്കാള് ഫലപ്രദമാണ് കാല്പെയ്ന് സംയുക്തങ്ങളെന്ന് സൗത്ത് ഫ്ളോറിഡ സര്വകലാശാലയിലെ അസോസിയേറ്റ് പ്രൊഫസര് യു ചെന് പറയുന്നു.
ഈ കാല്പെയ്ന് സംയുക്തങ്ങള് എപ്രകാരമാണ് വൈറസ് പ്രോട്ടീനുമായി പ്രതിപ്രവര്ത്തിക്കുന്നതെന്ന് കണ്ടെത്താന് എക്സ്റേ ക്രിസ്റ്റലോഗ്രഫി ഉപയോഗിച്ചുള്ള ചിത്രീകരണമാണ് ഗവേഷകര് നടത്തിയത്. എംപ്രോയെയും കാതെപ്സിന് L നെയും നേരിടാന് ഈ സംയുക്തങ്ങള്ക്ക് സാധിക്കുമെന്നതിനാല് വൈറസിന് ജനിതക പരിവര്ത്തനം വന്നാലും മരുന്നിനെതിരെ പ്രതിരോധമുണ്ടാക്കാന് സാധിക്കില്ല.