കൊച്ചി : വൈദ്യുതാഘാതമേറ്റ് പശു ചത്തതായി പരാതി. പുല്ലുമേയുന്നതിനിടെ അനധികൃതമായി സ്ഥാപിച്ച വൈദ്യുതി ലൈനില് നിന്ന് വൈദ്യുതാഘാതമേറ്റതായാണ് പരാതി. മുപ്പത്തടം കല്ലുമടപറമ്പില് ശെല്വന്റെ പശുവാണ് ഷോക്കേറ്റ് ചത്തത്. വീടിനടുത്തുള്ള ഗോഡൗണില് അനധികൃതമായി സ്ഥാപിച്ച ഇലക്ട്രിക് കയറില് കടിച്ചതാണ് പശുവിന്റെ ജീവന് നഷ്ടപ്പെടാന് കാരണം.
വര്ഷങ്ങളായി ക്ഷീരകര്ഷക വൃത്തിയില് ഏര്പ്പെട്ടിട്ടുള്ളതാണ് ശെല്വന്റെ കുടുബം. മുക്കാല് ലക്ഷത്തോളം രൂപയുടെ നഷ്ടം സംഭവിച്ചിട്ടുണ്ട്. ഇതുമായി ബന്ധപ്പെട്ട് കെ.എസ്.ഇ.ബിക്ക് പരാതി നല്കി. സംഭവം പരിശോധിക്കുമെന്ന് അധികൃതര് വ്യക്തമാക്കി.
