പത്തനാപുരം : കെ.ബി ഗണേഷ് കുമാർ എം.എൽ.എക്കെതിരെ രൂക്ഷ വിമർശനവുമായി സി.പി.ഐ. മുന്നണിക്ക് അവമതിപ്പ് ഉണ്ടാക്കുന്ന പ്രവർത്തനങ്ങളാണ് ഗണേഷ് കുമാറിന്റെ ഭാഗത്ത് നിന്നുണ്ടാകുന്നതെന്നും പട്ടയം വിതരണം ചെയ്യുന്നതിൽ എം.എൽ.എ വിമുഖത കാണിച്ചുവെന്നും സി.പി.ഐ മണ്ഡലം സെക്രട്ടറി ജിയാ സുദീന്‍ പറഞ്ഞു.
കൂടാതെ പഞ്ചായത്ത് ഫണ്ട് ഉപയോഗിച്ച് ഷോപ്പിംഗ് കോംപ്ലക്സ് നിര്‍മ്മിച്ച്‌ കോർപ്പറേറ്റുകൾക്ക് വാടകക്ക് നൽകിയെന്നും ഇത് സമൂഹമധ്യത്തില്‍ അവമതിപ്പ് ഉണ്ടാക്കിയെന്നും സി.പി.ഐ മണ്ഡലം സെക്രട്ടറി ആരോപിച്ചു. പത്തനാപുരത്ത് സംഘടിപ്പിച്ച പൊതുയോഗത്തിലാണ് പരസ്യ വിമര്‍ശനവുമായി സി.പി.ഐ രംഗത്ത് വന്നത്.
