തിരുവനന്തപുരം: വെഞ്ഞാറമൂട്ടില് സി.പി.എം- സി.പി.ഐ പ്രവര്ത്തകര് തമ്മില് സംഘര്ഷം. സി.പി.ഐ തൊഴിലാളി സംഘടന എ.ഐ.ടി.യു.സിയുടെ നേതൃത്വത്തില് നടത്തിയ പ്രകടനം സി.പി.എം തൊഴിലാളി സംഘടനയായ സി.ഐ.ടി.യുവിന്റെ പന്തലിന് സമീപം എത്തിയപ്പോഴാണ് സംഘര്ഷമുണ്ടായത്. ഇവിടെ ഇരു തൊഴിലാളി സംഘടനകളും വെവ്വേറെ പന്തല് കെട്ടിയാണ് പണിമുടക്ക് നടത്തുന്നത്.
സി.ഐ.ടി.യുവിന്റെ പന്തലിന് മുമ്പിലൂടെ കടന്നുപോയ എ.ഐ.ടി.യു.സി പ്രവര്ത്തകര് ഉച്ചത്തില് മുദ്രാവാക്യം വിളിച്ചതോടയാണ് ഇരു വിഭാഗങ്ങളും തമ്മില് വാക്കുതര്ക്കമുണ്ടായത്. തുടര്ന്ന് പ്രവര്ത്തകര് തമ്മില് ഉന്തുംതള്ളുമുണ്ടായി.
സംഘര്ഷത്തിന് പിന്നാലെ സി.ഐ.ടി.യു പ്രവര്ത്തകര് എ.ഐ.ടി.യു.സി സമരപന്തലിലേക്ക് പ്രകടനം നടത്തി. പ്രകടനത്തെ പോലീസ് വാഹനം കുറുകെയിട്ട് തടഞ്ഞു. തുടര്ന്ന് ഇരുവിഭാഗത്ത് നിന്ന് കല്ലേറ് നടന്നു. പ്രദേശത്ത് സംഘര്ഷാവസ്ഥ നിലനില്ക്കുന്നതായാണ് വിവരം.
