ഇടുക്കി : മാങ്കുളത്ത് വനം വകുപ്പ് ഉദ്യോഗസ്ഥര്ക്ക് സിപിഐ പ്രാദേശിക നേതാവിന്റെ വധഭീഷണി. വനം ഡിവിഷന് സര്വേക്ക് എത്തിയ വനം വകുപ്പ് ഉദ്യോഗസ്ഥര്ക്കെതിരെയും റവന്യു വകുപ്പ് അധികൃതര്ക്കെതിരെയുമാണ് സിപിഐ ലോക്കല് കമ്മിറ്റി സെക്രട്ടറി പ്രവീണ് ജോസ് ഭീഷണി മുഴക്കിയത്. റേഞ്ച് ഓഫീസറെ കെട്ടിയിട്ട് മര്ദ്ദിക്കുമെന്ന് പ്രവീണ് ഭീഷണി മുഴക്കിയെന്നാണ് പരാതി.
പ്രദേശത്ത് ആന ഇറങ്ങാതിരിക്കാന് വനംവകുപ്പ് കിടങ്ങ് കുഴിച്ചിരുന്നു. ഇത് കര്ഷകരുടെ സ്ഥലത്താണ്. ഇതേ തുടര്ന്ന് ഇവിടെ വനംവകുപ്പും സിപിഐയും തമ്മില് തര്ക്കം നിലനില്ക്കുന്നുണ്ട്. സംഭവം സംബന്ധിച്ച് വനംവകുപ്പ് ഉദ്യോഗസ്ഥര് മൂന്നാര് പോലീസില് പരാതി നല്കി.
