തിരുവനന്തപുരം : രാജ്യസഭാ തെരഞ്ഞെടുപ്പില് സിപിഐയുടെ സ്ഥാനാര്ഥിയായി പി. സന്തോഷ് കുമാറിനെ തെരഞ്ഞെടുത്തു. സിപിഐ കണ്ണൂര് ജില്ലാ സെക്രട്ടറിയാണ് സന്തോഷ് കുമാര്. പാര്ട്ടിയാണ് എല്ലാം തീരുമാനിക്കുന്നതെന്ന് സന്തോഷ് കുമാര് പ്രതികരിച്ചു. സിപിഎം സ്ഥാനാര്ഥിയെ പ്രഖ്യാപിച്ചിട്ടില്ല. ഇടതു മുന്നണിയില് രാജ്യസഭാ സീറ്റ് സിപിഎമ്മിനും സിപിഐയ്ക്കുമാണ്. എല്ജെഡി, ജെഡിഎസ്, എന്സിപി എന്നീ പാര്ട്ടികള് സീറ്റ് ആവശ്യപ്പെട്ടെങ്കിലും ലഭിച്ചില്ല. സിപിഐയ്ക്ക് സീറ്റ് നല്കാന് മുഖ്യമന്ത്രി പിണറായി വിജയനാണ് നിര്ദേശിച്ചത്.
