റാന്നി: മലയോരമേഖലയായ ചേത്തയ്ക്കൽ വില്ലേജിലെ ഭൂമിയുടെ ഫെയര്വാല്യു പ്രശ്നം പരിഹരിക്കണമെന്ന് സി.പി.ഐ റാന്നി മണ്ഡലം സമ്മേളനം പ്രമേയത്തിലൂടെ ആവശ്യപ്പെട്ടു. ഒരു ആർ (2.47 സെന്റ്) സ്ഥലത്തിന്റെ ഫെയർവാല്യു 6.6 ലക്ഷം രൂപയാണ്. ഒരു സെന്റിന് 2.67 ലക്ഷം രൂപയോളുമാണ് വില. റാന്നിയിലെ പ്രധാന നഗരങ്ങളിൽപോലും ഇല്ലാത്ത വിലയാണിത്. വഴിയില്ലാത്ത, വാങ്ങാൻ വരുന്നവർ 10,000 രൂപ പോലും വില പറയാൻ മടിക്കുന്ന സ്ഥലങ്ങളില് ഫെയര്വാല്യു ഇരട്ടിച്ചതോടെ വസ്തു ഇടപാടുകള് പാടെ നിലച്ച അവസ്ഥയാണ്. ഫെയർവാല്യു രേഖപ്പെടുത്തിയപ്പോൾ വന്ന പിശക് 10 വർഷത്തിലധികമായിട്ടും തിരുത്താൻ അധികൃതർ തയ്യാറാകുന്നില്ല. ഏതാനും സബ് ഡിവിഷനുകളിലാണ് ഈ പിശക് സംഭവിച്ചിട്ടുള്ളത്. ഇതിന് അടിയന്തിര പരിഹാരം കാണണമെന്നാണ് സമ്മേളനത്തില് ആവശ്യം ഉയര്ന്നത്.
സംസ്ഥാന എക്സിക്യൂട്ടീവംഗം മുല്ലക്കര രത്നാകരന്, ജില്ലാ സെക്രട്ടറി സി.കെ ശശിധരന്, സംസ്ഥാന കൗണ്സിലംഗങ്ങളായ മുണ്ടപ്പള്ളി തോമസ്, പി.ആര് ഗോപിനാഥന്, ഡി സജി, ജില്ലാ അസിസ്റ്റന്റ് സെക്രട്ടറി അഡ്വ. കെ.ജി രതീഷ് കുമാര്, ജില്ലാ എക്സിക്യൂട്ടീവംഗങ്ങളായ മലയാലപ്പുഴ ശശി, കുറുമ്പുകര രാമകൃഷ്ണന്, അടൂര് സേതു, ടി.മുരുകേഷ്, അഡ്വ. ആര് ശരത്ചന്ദ്രകുമാര്, പി മണിയമ്മ, കേരള മഹാളാസംഘം ജില്ലാ സെക്രട്ടറി കെ.പത്മിനിയമ്മ എന്നിവര് പ്രസംഗിച്ചു. പുതിയ മണ്ഡലം കമ്മറ്റിയംഗങ്ങളായി ജോജോ കോവൂര്, സന്തോഷ് കെ.ചാണ്ടി, എം.വി പ്രസന്നകുമാര്, ടി.ജെ ബാബുരാജ്, ലിസി ദിവാന്, വി.ടി ലാലച്ചന്, ആര് നന്ദകുമാര്, സജിമോന് കടയനിക്കാട്, എം.ശ്രീജിത്ത്, സി.സുരേഷ്, ജോര്ജ് മാത്യു, ജോയി വള്ളിക്കാല, കെ.എച്ച് കബീര്, സി.ടി കുര്യാക്കോസ്, സുരേഷ് അമ്പാട്ട്, അനില് അത്തിക്കയം, ടി.പി അനില്കുമാര്, പി.സി സജി, ഡി ശ്രീകല, എന്.ജി പ്രസന്നന്, പി.എസ് സതീഷ് കുമാര്, കെ.കെ വിലാസിനി, തെക്കേപ്പുറം വാസുദേവന്, പി.അനീഷ്മോന്,അന്നമ്മ സാമുവേല് എന്നിവരെ തിരഞ്ഞെടുത്തു.
