വിജയവാഡ: ദേശീയതലത്തില് കോണ്ഗ്രസുമായി സഖ്യംവേണമെന്ന് ആവശ്യമുന്നയിച്ച് സി.പി.ഐ. പാര്ട്ടി കോണ്ഗ്രസില് കേരളാഘടകം. ബിജെപി വിരുദ്ധ ബദല് സഖ്യത്തിന്റെ കാര്യത്തില് വ്യക്തത വേണമെന്നും രാഷ്ട്രീയ റിപ്പോര്ട്ടിന്റെ ചര്ച്ചയില് കേരളത്തെ പ്രതിനിധീകരിച്ച് രാജാജി മാത്യു തോമസ് ആവശ്യപ്പെട്ടു. സി പി എമ്മിന്റേത് പോലെ കോണ്ഗ്രസ് സഹകരണത്തില് ഒളിച്ചുകളി വേണ്ട. ബദല് സഖ്യത്തില് വ്യക്തത വേണമെന്നും ആവശ്യം ഉയര്ന്നു.
തിരഞ്ഞെടുപ്പിന് ശേഷമുള്ള സഖ്യമല്ല വേണ്ടത്. അതിന് മുമ്പേതന്നെ സഖ്യം വേണമെന്ന ആവശ്യമാണ് കേരളാ ഘടകത്തെ പ്രതിനിധീകരിച്ച് സംസാരിച്ച രാജാജി മാത്യു തോമസ് ഉന്നയിച്ചത്. പാര്ട്ടിയില് 75 വയസ് പ്രായപരിധി കര്ശനമായി നടപ്പാക്കാന് സി പി ഐ തീരുമാനം. പാര്ട്ടിയുടെ നേതൃത്വത്തില് യുവാക്കളില്ലെന്ന സംഘടന റിപ്പോര്ട്ടിയിലെയടക്കം ആത്മവിമര്ശനത്തിനൊടുവിലാണ് പ്രായപരിധി നിര്ബന്ധമാക്കാന് തീരുമാനിക്കുന്നത്.
