കോട്ടയം : യു.ഡി.എഫ് ശക്തി കേന്ദ്രമായ കോട്ടയത്ത് കഴിഞ്ഞ തദ്ദേശ – നിയമസഭ തിരഞ്ഞെടുപ്പുകളില് നേടിയ മുന്നേറ്റത്തിന്റെ ആവേശത്തില് സി.പി.എം ബ്രാഞ്ച് സമ്മേളനങ്ങള്ക്ക് നാളെ തുടക്കമാകും. ജനുവരി 12മുതല് 14 വരെ കോട്ടയത്ത് ജില്ലാ സമ്മേളനം നടത്തുന്നതിന്റെ മുന്നോടിയായി ബ്രാഞ്ച്, ഏരിയ സമ്മേളനങ്ങള് ഡിസംബറോടെ പൂര്ത്തിയാക്കും.
1674 ബ്രാഞ്ച് കമ്മിറ്റികളില് ഒക്ടോബര് പത്തോടെ സമ്മേളനം പൂര്ത്തിയാകും. 15 മുതല് നവംബര് 15 വരെ 129 ലോക്കല് കമ്മിറ്റി സമ്മേളനം നടക്കും. നവംബര് 15 മുതല് ഡിസംബര് 15 വരെ ഏരിയ കമ്മിറ്റി സമ്മേളനങ്ങള് പൂര്ത്തിയാക്കിയാകും. മാമ്മന് മാപ്പിള ഹാളില് ജനുവരി 12 ന് ജില്ലാ സമ്മേളനം തുടങ്ങുക.
