കണ്ണൂര് : സിപിഎം 23ാമത് പാര്ട്ടി കോണ്ഗ്രസ് ഇന്ന് സമാപിക്കും. സീതാറാം യെച്ചൂരി സംഘടനാ റിപ്പോര്ട്ടിന്മേലുള്ള ചര്ച്ചക്ക് മറുപടി നല്കും. ഇന്ന് പുതിയ കമ്മിറ്റിയുടെയും കണ്ട്രോള് കമ്മീഷന്റെയും തെരഞ്ഞെടുപ്പ് നടക്കും. ലക്ഷങ്ങള് പങ്കെടുക്കുന്ന പൊതുസമ്മേളനവും വൈകീട്ട് റെഡ് വൊളണ്ടിയര് മാര്ച്ചും നടക്കും. രണ്ട് രേഖകളാണ് അഞ്ച് ദിവസം നീണ്ട് നിന്ന പാര്ട്ടി കോണ്ഗ്രസില് ചര്ച്ച ചെയ്തത്. സംഘടനയുടെ പോരായ്മകള് വ്യക്തമാക്കുന്ന സംഘടനാ രാഷ്ട്രീയ റിപ്പോര്ട്ടും പാര്ട്ടിയുടെ തെരഞ്ഞെടുപ്പ് അജണ്ട നിശ്ചയിക്കുന്ന രാഷ്ട്രീയ പ്രമേയവും.
പാര്ട്ടി കോണ്ഗ്രസ് കോണ്ഗ്രസുമായി ബിജെപിക്കെതിരെ ബദല് രൂപീകരിക്കാന് സഖ്യം വേണ്ടെന്ന പ്രമേയത്തിന് അംഗീകാരം നല്കിയിട്ടുണ്ട്. സിപിഎം ജനറല് സെക്രട്ടറി സീതാറാം യെച്ചൂരി കേന്ദ്ര നേതൃത്വത്തിനെതിരെ രൂക്ഷമായ വിമര്ശനങ്ങളുയര്ന്ന സംഘടനാ റിപ്പോര്ട്ടിന്മേലുള്ള ചര്ച്ചക്ക് ഇന്ന് മറുപടി നല്കും. ജവഹര് സ്റ്റേഡിയത്തിലാണ് പൊതു സമ്മേളനം നടക്കുന്നത്.
