കൊച്ചി : നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയതുമായി ബന്ധപ്പെട്ട കേസില് ദിലീപിന്റെ സുഹൃത്തിന്റെ വീട്ടില് ക്രൈംബ്രാഞ്ച് പരിശോധന. ഹോട്ടല് വ്യവസായി ശരത്തിന്റെ ആലുവ തൊട്ടുമുഖത്തെ വീട്ടിലാണ് റെയ്ഡ് നടക്കുന്നത്. അതിനിടെ നടിയെ ആക്രമിച്ച കേസില് മാധ്യമവാര്ത്തകള് വിലക്കണമെന്നാവശ്യപ്പെട്ട് നടന് ദിലീപ് ഹൈക്കോടതിയെ സമീപിച്ചു.
നടിയെ ആക്രമിച്ച കേസില് രഹസ്യവിചാരണ നടത്തണമെന്ന കോടതി ഉത്തരവ് ലംഘിക്കുന്നതാണ് മാധ്യമവാര്ത്തകളെന്നാണ് ദിലീപിന്റെ ആരോപണം. ദിലീപും സുഹൃത്തുക്കളും അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന വെളിപ്പെടുത്തലിന്റെ അടിസ്ഥാനത്തിലാണ് പരിശോധന. ഇതുമായി ബന്ധപ്പെട്ട് സംവിധായകന് ബാലചന്ദ്രകുമാര് വെളിപ്പെടുത്തിയ പേരുകളിലൊന്ന് ശരത്തിന്റെതായിരുന്നു. ഇയാള് പുറത്തുവിട്ട ശബ്ദരേഖകളിലും ശരത്തിന്റെ പേരുണ്ടായിരുന്നു. ഇതിന്റെ അടിസ്ഥാനത്തിലാണ് പരിശോധന നടക്കുന്നത്.
