ദില്ലി: രാജ്യദ്രോഹക്കുറ്റം നിലനിര്ത്തണമെന്ന് കേന്ദ്ര നിയമ കമ്മിഷന്റെ ശുപാര്ശ. ശിക്ഷയുടെ കാലാവധി വര്ധിപ്പിക്കണമെന്നും കമ്മിഷന് റിപ്പോര്ട്ടില് പറയുന്നു. കുറഞ്ഞ ശിക്ഷ ഏഴ് വര്ഷം തടവായി വര്ധിപ്പിക്കാനും പരമാവധി ശിക്ഷ ജീവപര്യന്തമായി നിലനിര്ത്താനുമാണ് ശുപാര്ശ. വലിയ രീതിയിലുള്ള ദുരുപയോഗം കണക്കിലെടുത്ത് നിയമം സുപ്രീംകോടതി മരവിപ്പിച്ചിരുന്നു. രാജ്യദ്രോഹക്കുറ്റത്തിന്റെ സാധുത പരിശോധിച്ച സുപ്രീം കോടതി കഴിഞ്ഞവര്ഷം മെയില് നിയമം നടപ്പാക്കുന്നത് താല്കാലികമായി മരവിപ്പിച്ചിരുന്നു.
നിയമം നിലനിര്ത്തേണ്ടതുണ്ടോ എന്നകാര്യം പുനപരിശോധിക്കുമെന്ന് കേന്ദ്രം സുപ്രീം കോടതിയെ അറിയിച്ചിരുന്നു. തുടര്ന്നാണ് നിയമത്തില് വരുത്തേണ്ട മാറ്റങ്ങള് പഠിക്കാന് നിയമകമ്മീഷനോട് കേന്ദ്രസര്ക്കാര് നിര്ദേശിച്ചത്. നിയമം കര്ക്കശമാക്കുന്ന ശുപാര്ശകളാണ് നിയമകമ്മീഷന് സമര്പ്പിച്ചിരിക്കുന്നത്. നിലവില് രാജ്യദ്രോഹക്കുറ്റത്തിനുള്ള ശിക്ഷ 3 വര്ഷമാണ്. എന്നാല് കുറഞ്ഞ ശിക്ഷ ഏഴ് വര്ഷം തടവായി വര്ധിപ്പിക്കാനും പരമാവധി ശിക്ഷ ജീവപര്യന്തമായി നിലനിര്ത്താനുമാണ് ശുപാര്ശ.