തിരുവനന്തപുരം: മുസ്ലീം ലീഗുമായി ബന്ധപ്പെട്ട് ഉയര്ന്ന വിവാദങ്ങളില് മറുപടിയുമായി ബിജെപി നേതാവും മുന് കേന്ദ്രമന്ത്രിയുമായ അല്ഫോണ്സ് കണ്ണന്താനം. മുസ്ലീം ലീഗ് മതേതര പാര്ട്ടിയാണെന്ന കോണ്ഗ്രസ് നേതാവ് രാഹുല് ഗാന്ധിയുടെ അമേരിക്കയിലെ പ്രസംഗത്തിലെ പരാമര്ശത്തെ അടിസ്ഥാനമാക്കിയായിരുന്നു പ്രതികരണം. ലീഗ് മുസ്ലീങ്ങളുടെ പാര്ട്ടി മാത്രമെന്ന് കണ്ണന്താനം പറഞ്ഞു.
ലീഗില് ഹിന്ദുക്കളോ ക്രിസ്ത്യാനികളോ ഇല്ല. തീവ്രവാദത്തെ കുറിച്ചും, മതമൗലികവാദത്തെ കുറിച്ചും ലീഗ് നിശബ്ദമാണ്. കേരളം ഐഎസിന്റെ പരീക്ഷണശാലയായിട്ട് പോലും ആ പാര്ട്ടി ഒരക്ഷരം മിണ്ടുന്നില്ലെന്നും കണ്ണന്താനം വിമര്ശിച്ചു. ഇക്കാര്യങ്ങളൊന്നും മനസിലാക്കാനുള്ള കഴിവ് രാഹുല് ഗാന്ധിക്ക് ഇല്ലെന്നും കണ്ണന്താനം പറഞ്ഞു. ജനാധിപത്യത്തിലെ മതനിരപേക്ഷതയുമായി ബന്ധപ്പെടുത്തി കേരളത്തില് ലീഗുമായുള്ള കോണ്ഗ്രസിന്റെ സഖ്യം സംബന്ധിച്ച ചോദ്യത്തോടുള്ള രാഹുല് ഗാന്ധിയുടെ മറുപടിയാണ് ബിജെപി വിവാദമാക്കിയിരിക്കുന്നത്.
