ബംഗലൂരു : പട്ടാപ്പകല് റോഡിലൂടെ നിര്ഭയനായി മുതലയുടെ സവാരി. കര്ണാടകയിലെ കോഗില്ബാന് ഗ്രാമത്തിലെ ഡല്ഡേലിയിലാണ് കൂറ്റന് മുതല ഇറങ്ങിയത്. ഇതിന്റെ വീഡിയോ സമൂഹമാധ്യമങ്ങളില് വൈറലായിട്ടുണ്ട്. ജനവാസ മേഖലയില് വീടുകള്ക്ക് മുന്നിലൂടെ മുതല പോകുമ്പോള് കുട്ടികളടക്കം ആള്ക്കൂട്ടം നോക്കിനില്ക്കുന്നതും വീഡിയോയില് കാണാം. ഭയന്നു വിറച്ച് ആളുകള് നില്ക്കുമ്പോളും ഒരു കൂസലുമില്ലാതെ മുതല സവാരി തുടര്ന്നു. മുതല നാട്ടിലിറങ്ങിയ വിവരം അറിഞ്ഞ് എത്തിയ വനംവകുപ്പ് ഉദ്യോഗസ്ഥര് മുതലയെ പിടികൂടി നദിയില് വിട്ടു.
