റാന്നി : റാന്നിയിലെ ക്രഷർ യൂണിറ്റുകളിലെ നിയമലംഘനങ്ങൾ പരിശോധിക്കാൻ എംഎൽഎയുടെ നിർദ്ദേശപ്രകാരം ജില്ലാ ജിയോളജിസ്റ്റ് ക്രഷർ യൂണിറ്റുകൾ സന്ദർശിച്ചു. കഴിഞ്ഞ ദിവസം ചെമ്പനോലി ക്രഷർ യൂണിറ്റിൽ നിന്നും പാറ ഉത്പ്പ ന്നവുമായി വന്ന ലോറി വടശ്ശേരിക്കര ഇടത്തറ മുക്കിലെ വീടുകളിലേക്ക് ഇടിച്ചു കയറി അപകടം സൃഷ്ടിച്ചിരുന്നു. ഇവിടെ സന്ദർശിച്ചപ്പോഴാണ് ക്രഷർ യൂണിറ്റ് കേന്ദ്രീകരിച്ച് നിയമ ലംഘനം നടത്തുന്നതായി നാട്ടുകാർ എംഎൽഎയുടെ ശ്രദ്ധയിൽപ്പെടുത്തിയത്. തുടർന്ന് എംഎൽഎ ഇക്കാര്യം കളക്ടറെ അറിയിക്കുകയും അടിയന്തരമായി സ്ഥലം സന്ദർശിച്ചു നിയമലംഘനങ്ങൾ പരിശോധിക്കണമെന്ന് നിർദ്ദേശം നൽകുകയും ചെയ്തു. തുടർന്നാണ് ജിയോളജിസ്റ്റ് പരിശോധന നടത്തിയത്.
