പത്തനംതിട്ട : കോണ്ഗ്രസ് യൂണിറ്റ് കമ്മറ്റി രൂപീകരണം താഴെതട്ടില് പാര്ട്ടി പ്രവര്ത്തനത്തിന് ഊര്ജം പകരുന്നതായി ജില്ലാ കോണ്ഗ്രസ് കമ്മിറ്റി അധ്യക്ഷന് പ്രൊഫസര് സതീഷ് കൊച്ചുപറമ്പില് പറഞ്ഞു. സി യു സി ജില്ലാ നേതൃസംഗമം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. യൂണിറ്റ് കമ്മിറ്റി രൂപീകരണം ഊര്ജിതമായതോടുകൂടി മുന്നിരയില്നിന്ന് അകന്നു നിന്നിരുന്ന നേതാക്കന്മാര് മുഖ്യധാരയിലേക്ക് കടന്നുവന്നുവെന്നും അദ്ദേഹം പറഞ്ഞു.
സിയൂസീകളിലെ യുവാക്കളുടെയും വനിതകളുടെയും പിന്നോക്ക വിഭാഗങ്ങളുടെയും സാന്നിധ്യം ആവേശം പകരുന്നതായും അദ്ദേഹം ചൂണ്ടിക്കാട്ടി. സി യു സി ജില്ലാ കണ്വീനര് അഡ്വ. എ സുരേഷ് കുമാര് അധ്യക്ഷത വഹിച്ചു. ജില്ലാ കോഡിനേറ്റര് അഡ്വ. വെട്ടൂര് ജ്യോതി പ്രസാദ് , സംസ്ഥാന റിസോഴ്സ് പേഴ്സണ് ബെന്നി കുന്നേല്, പഴകുളം സതീഷ്, ബിനു ചക്കാലയില് , ജെസ്സി വര്ഗീസ് , ഡോ .അജിത്ത് ഐരൂര്, ചെറിയാന് ചെന്നീര്ക്കര എന്നിവര് പ്രസംഗിച്ചു.