പുത്തൂര് : കുളക്കട സാമൂഹിക ആരോഗ്യ കേന്ദ്രത്തിലെ ചുമയുടെ മരുന്ന് കഴിച്ച് വിദ്യാര്ത്ഥി അശുപത്രിയില്. കുറ്ററ നെടുവേലിക്കുഴി അനില്കുമാര് – ശുഭ ദമ്പതികളുടെ മകനും കുളക്കട ഗവ.എച്ച്.എസ്.എസിലെ ഒമ്പതാം ക്ലാസ് വിദ്യാര്ത്ഥിയുമായ ആഷിക്ക് അനിലിനെയാണ് (14) കൊട്ടാരക്കര താലൂക്ക് അശുപത്രിയില് പ്രവേശിപ്പിച്ചത്.
കടുത്ത പനിയും ചുമയും അനുഭവപ്പെട്ടതിനെത്തുടര്ന്ന് ഇന്നലെ രാവിലെ 11 മണിയോടുകൂടിയാണ് വിദ്യാര്ത്ഥിയെ കുളക്കട സാമൂഹിക ആരോഗ്യ കേന്ദ്രത്തിലേത്തിച്ചത്. ആന്റിജന് പരിശോധനയില് കൊവിഡ് നെഗറ്റീവായിരുന്നു. തുടര്ന്ന് ഡോകടറെ കണ്ട് ഫാര്മസിയില് നിന്ന് ചുമയുടെ മരുന്നിനായി കുപ്പി വേണമെന്ന് ആവശ്യപ്പെട്ടപ്പോള് പുറത്ത് പോയി കൊണ്ടുവന്ന കുപ്പിയിലാണ് മരുന്ന് നല്കിയത്. വീട്ടിലെത്തി മരുന്ന് കഴിച്ചതിനെ തുടര്ന്ന് വിദ്യാര്ത്ഥിയക്ക് അസ്വസ്തത അനുഭവപ്പെട്ടത്. തുടര്ന്ന് കുട്ടിയെ കുളക്കട സാമുഹിക കേന്ദ്രത്തില് വീണ്ടും എത്തിച്ചു. നല്കിയ മരുന്നും ഒപ്പം കൊണ്ടുപോയിരുന്നു. തുടര്ന്ന് കൊട്ടാരക്കര താലൂക്ക് അശുപത്രിയിലേക്ക് മാറ്റി. ഇതോടെ അശ്വാസമായതായി മാതാപിതാക്കള് പറഞ്ഞു.
മരുന്ന് മാറി നല്കിയതാണെന്നും ലോഷന്റെ മണമായിരുന്നു അതിനെന്നും വിദ്യാര്ത്ഥിയുടെ അച്ഛന് അനില് കുമാര് ആരോപിച്ചു. ഡി.എം.ഒ യ്ക്ക് പരാതി നല്കുമെന്നും അദ്ദേഹം പറഞ്ഞു. എന്നാല് മരുന്ന് മാറി നല്കിയെന്ന ആരോപണം ശരിയല്ലെന്ന നിലപാടിലാണ് അധികൃതര്. നിരവധിപ്പേര്ക്ക് ഈ മരുന്ന് നല്കിയിരുന്നതായും എന്നാല്, അവര് ആരും പരാതിയുമായി വന്നിട്ടില്ലെന്നും മരുന്നിന്റെ സാബിളുകള് പരിശോധനയ്ക്കച്ചിട്ടുണ്ടെന്നും മെഡിക്കല് ഓഫീസര് പറഞ്ഞു. സംഭവത്തില് നടപടി ആവശ്യപ്പെട്ട് യൂത്ത് കോണ്ഗ്രസും ബി.ജെ.പിയും ആരോഗ്യ കേന്ദ്രത്തിലേക്ക് മാര്ച്ച് നടത്തി.
