ന്യൂഡല്ഹി : ഡല്ഹി അന്താരാഷ്ട്ര വിമാനത്താവളത്തില് യാത്രക്കാരന്റെ പക്കല് നിന്നും വിദേശ കറന്സി പിടികൂടി. ദുബായില് നിന്ന് ഡല്ഹിയിലെത്തിയ മിസാം റാസയില് നിന്നാണ് പണം പിടികൂടിയത്. 41 ലക്ഷം രൂപയുടെ കറന്സിയാണ് പിടികൂടിയത്. സ്ത്രീകളുടെ വസ്ത്രമായ ലെഹംഗയുടെ ബട്ടനുള്ളില് ഒളിപ്പിച്ച നിലയിലായിരുന്നു കറന്സി.
യാത്രക്കാരന്റെ പെരുമാറ്റത്തില് സിഐഎസ്എഫ് ഉദ്യോഗസ്ഥര്ക്ക് സംശയം തോന്നുകയായിരുന്നു. പിന്നാലെ നടത്തിയ എക്സ് റേ പരിശോധനയില് ഒളിപ്പിച്ചു കൊണ്ട് വന്ന കറന്സി പിടികൂടുകയായിരുന്നു. ചെക്ക് ഇന് നടപടികള് പൂര്ത്തിയാക്കിയ ഇയാളെ കസ്റ്റംസ് ഓഫീസില് എത്തിച്ചാണ് പരിശോധന നടത്തിയത്. 1,85,500 സൗദി റിയാലുകളാണ് ഇയാളുടെ പക്കല് ഉണ്ടായിരുന്നത്. ഇതുമായി ബന്ധപ്പെട്ട രേഖകള് ഒന്നും തന്നെ യുവാവിന്റെ പക്കല് ഉണ്ടായിരുന്നില്ല. പരിശോധന നടപടികള് പൂര്ത്തിയാക്കിയ ശേഷം പ്രതിയെ സിഐഎസ്എഫ് ഉദ്യോഗസ്ഥര് കസ്റ്റംസിന് കൈമാറി.