കോഴിക്കോട്: കോണ്‍ഗ്രസ് നേതാവ് രാഹുല്‍ ഗാന്ധിയെ രൂക്ഷമായി വിമര്‍ശിച്ച്‌ സി.പി.ഐ ജനറല്‍ സെക്രട്ടറി ഡി. രാജ. രാജ്യത്ത് നടക്കുന്ന സംഭവങ്ങളില്‍ രാഹുല്‍ ഗാന്ധിക്ക് വ്യക്തതയില്ലെന്ന് ഡി. രാജ പറഞ്ഞു.
കേരളത്തില്‍ എല്‍.ഡി.എഫ് സര്‍ക്കാറിനെതിരായ രാഹുലിന്‍റെ പ്രവര്‍ത്തനം ശരിയല്ല. ഇത് ബി.ജെ.പിയുടെ വളര്‍ച്ചക്ക് കാരണമാകുമെന്നും രാജ ചൂണ്ടിക്കാട്ടി. ശബരിമല യുവതീ പ്രവേശന വിഷയത്തില്‍ യു.ഡി.എഫ്, ബി.ജെ.പി നിലപാട് തെറ്റാണ്. മതവും രാഷ്ട്രീയവും കൂട്ടിക്കെട്ടുകയാണ് ഇരുവരും ചെയ്യുന്നതെന്നും ഡി. രാജ കുറ്റപ്പെടുത്തി. അഞ്ച് സംസ്ഥാനങ്ങളിലെ തെരഞ്ഞെടുപ്പ് ഫലം വരുന്നതോടെ കേന്ദ്ര സര്‍ക്കാറിനെതിരായ പ്രതിഷേധമായി മാറുമെന്നും ഡി. രാജ ചൂണ്ടിക്കാട്ടി.
