റാന്നി : വലിയകാവ് പൊന്തന്പുഴ റോഡില് യാത്രക്കാര്ക്ക് അപകടഭീഷണി ഉയര്ത്തുന്ന മരങ്ങള് മുറിച്ചു മാറ്റുന്നില്ലെന്ന് പരാതി. വനമേഖലയില് സ്ഥിതി ചെയ്യുന്ന രണ്ടു മരങ്ങളാണ് കാലങ്ങളായി യാത്രക്കാര്ക്ക് ഭീഷണി ഉയര്ത്തി റോഡിലേക്ക് ചാഞ്ഞു കിടക്കുന്നത്. നിരവധി തവണ വനംവകുപ്പ് ഉദ്യോഗസ്ഥരുടെയും ഡി.എഫ്.ഒ യുടെയും മുമ്പാകെ പരാതികള് അറിയിച്ചിട്ടും നാളിതുവരെയായിട്ടും യാതൊരുവിധ നടപടിയും ഉണ്ടായിട്ടില്ലെന്നാണ് ജനങ്ങളുടെ ആക്ഷേപം. കഴിഞ്ഞ മാസം പത്തിനാണു സ്ഥിതി വിവരിച്ചു അധികൃതര്ക്ക് പരാതി നല്കിയത്.
നിരവധി വാഹനങ്ങള് കടന്നു പോകുന്ന ഇതുവഴിയുള്ള റോഡിന്റെ സ്ഥിതിയും ദുരിതകരമാണ്. പുനലൂര് മൂവാറ്റുപുഴ സംസ്ഥാന പാതയുടെ നിര്മ്മാണവുമായി ബന്ധപ്പെട്ട് ഗതാഗതം തിരിച്ചു വിടാന് ഉപയോഗിച്ച വഴികൂടിയാണിത്. അതോടെ റോഡിന്റെ ഗതിയും പരിതാപകരമായി. റോഡിനു കുറുകെ ചാഞ്ഞു നില്ക്കുകയാണ് മരങ്ങള്. വലിയൊരു കാറ്റടിച്ചാല് ചാഞ്ഞു നില്ക്കുന്ന മരം റോഡില് വീഴാന് സാധ്യതയേറെയാണ്. അടിയന്തരമായി മരങ്ങള് വെട്ടിമാറ്റി അപകട സാധ്യത ഒഴിവാക്കണമെന്ന് നാട്ടുകാര് ആവശ്യപ്പെട്ടു.
