അബുദാബി : പാവപ്പെട്ടവരെ സഹായിക്കാനായി 16 കോടി ദിർഹം സമാഹരിക്കാൻ ലക്ഷ്യമിട്ടുള്ള റംസാൻ കാമ്പയിന് ദാർ അൽ ബെർ സൊസൈറ്റി തുടക്കമിട്ടു. പുണ്യമാസത്തിന്റെ മൂല്യങ്ങൾ ഉൾകൊള്ളുന്ന ദാനത്തെയും ഐക്യദാർഢ്യത്തെയും പ്രതിഫലിപ്പിക്കുന്നതാണ് സംരംഭമെന്ന് അധികൃതർ പറഞ്ഞു. പ്രാദേശിക, ആഗോളതലത്തിൽ വ്രതമനുഷ്ഠിക്കുന്നവരെയും ദരിദ്രരെയും പിന്തുണയ്ക്കുന്നതിനാണ് കാമ്പയിൻ ആരംഭിച്ചത്.
യു.എ.ഇ. നേതൃത്വത്തിന്റെ ചാരിറ്റിബിൾ നിർദേശങ്ങൾക്ക് അനുസൃതമായി വ്രതമെടുക്കുന്നവർ, അനാഥർ, രോഗികൾ, വിധവകൾ തുടങ്ങിയ ദുർബല വിഭാഗങ്ങൾക്ക് സഹായമെത്തിക്കുന്നതിൽ കാമ്പയിൻ ശ്രദ്ധ കേന്ദ്രീകരിക്കുമെന്ന് ദാർ അൽ ബെർ സൊസൈറ്റി സി.ഇ.ഒ. ഡോ. മുഹമ്മദ് സുഹൈൽ അൽ മുഹൈരി വ്യക്തമാക്കി.
