മുംബൈ : സ്ഫോടന പരമ്പരയുള്പ്പെടെ കുറ്റകൃത്യങ്ങളില് പങ്കാളിത്തമുള്ള അധോലോക നേതാവ് ദാവൂദ് ഇബ്രാഹിം പാക്കിസ്ഥാനിലെ കറാച്ചിയില് കഴിയുന്നതായി മൊഴി. ഇന്ത്യയിലെ ബന്ധുക്കള്ക്ക് എല്ലാ മാസവും ദാവൂദ് പത്തു ലക്ഷം രൂപ വീതം നല്കുന്നുണ്ടെന്നും മൊഴിയിലുണ്ട്. ദാവൂദിന്റെ സഹോദരി ഹസീന പാര്ക്കറിന്റെ മകന് അലിഷാ പാര്ക്കര് ഖാലിദ് ഉസ്മാന് ഷെയ്ക്ക് എന്നിവരാണ് ഇങ്ങനെ മൊഴി നല്കിയത്. എന്ഫോഴ്സ്മെന്റ് ഇവ കുറ്റപത്രത്തില് ഉള്പ്പെടുത്തിയിട്ടുണ്ട്.
