പത്തനംതിട്ട : കേരളത്തിലെ ജനങ്ങൾക്കും പരിസ്ഥിതിക്കും വളരെ അധികം ദോഷം ചെയ്യുന്ന കെ – റയിൽ പദ്ധതി നടപ്പാക്കുവാനുള്ള സംസ്ഥാന സർക്കാരിന്റെ നീക്കത്തിനെതിരെ കെ. – റയിൽ വേണ്ട കേരളം മതി എന്ന മുദ്രാവാക്യം ഉയർത്തി കെ.പി.സി.സി ആഹ്വാനം അനുസരിച്ച് ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ മാർച്ച് 7-തിങ്കളാഴ്ച്ച പത്തനംതിട്ട ജില്ലാ കളക്ട്രേറ്റിലേക്ക് മാർച്ചും പ്രതിഷേധ സമ്മേളനവും സംഘടിപ്പിക്കും. പ്രസിഡന്റ് പ്രൊഫ.സതീഷ് കൊച്ചു പറമ്പിലിന്റെ അദ്ധ്യക്ഷതയിൽ ആന്റേ ആന്റണി എം.പി കളക്ട്രേറ്റ് മാർച്ചും ഇതോടനുബന്ധിച്ചുള്ള പ്രതിഷേധ സമ്മേളനവും ഉദ്ഘാടനം ചെയ്യുമെന്ന് ഡി.സി.സി ജനറൽ സെക്രട്ടറി സാമുവൽ കിഴക്കുപുറം അറിയിച്ചു. അംബാൻ ജംഗ്ഷനിൽ നിന്നും ജില്ലാ കളക്ടേറ്റിലേക്ക് നടത്തുന്ന മാർച്ച് രാവിലെ 10- മണിക്ക് ആരംഭിക്കും. ജില്ലയിലെ 79 മണ്ഡലം കമ്മിറ്റികളിൽ നിന്നുള്ള കോൺഗ്രസ്, പോഷക സംഘടനാ ഭാരവാഹികളും പ്രവർത്തകരും മാർച്ചിലും പ്രതിഷേധ സമ്മേളനത്തിലും പങ്കെടുക്കമെന്ന് ഡി.സി.സി ജനറൽ സെക്രട്ടറി അറിയിച്ചു.
