പത്തനംതിട്ട : രാജ്യത്തിന്റെ സമ്പദ് വ്യവസ്ഥക്ക് ഗണ്യമായ സംഭാവനകള് നല്കുന്ന പ്രവാസികളുടെ പ്രശ്നങ്ങള് പരിഹരിക്കാതെ അവഗണന കാട്ടുന്നതായി ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് പറഞ്ഞു. അറുപത് വയസ് പൂര്ത്തിയായി മടങ്ങിവന്ന പ്രവാസികള്ക്ക് നിരുപാധിക പെന്ഷന് ഉള്പ്പെടെയുള്ള പുന:രധിവാസം ഉറപ്പ് വരുത്തണമെന്ന് ആവശ്യപ്പെട്ട് കേരള പ്രദേശ് പ്രവാസി കോണ്ഗ്രസ് ജില്ലാ കമ്മിറ്റിയുടെ നേതൃത്വത്തില് ജില്ലാ കളക്ട്രേറ്റിന് മുമ്പില് നടത്തിയ കൂട്ട ധര്ണ്ണ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
കോവിഡ് സാഹചര്യം മൂലം തൊഴില് നഷ്ടപ്പെട്ട് വിദേശ രാജ്യങ്ങളില് നിന്നും മടങ്ങി എത്തിയ പ്രവാസികളെ സഹായിക്കുന്ന പദ്ധതികള് നടപ്പാക്കുന്നതിന് പകരം സംസ്ഥാന സര്ക്കാര് ലേക കേരള സഭ, ലോക സമാധാന സമ്മേളനം എന്നിവക്കായി പണം ധൂര്ത്തടിക്കുന്നത് നീതീകരിക്കാനാവില്ലെന്ന് ഡി.സി.സി പ്രസിഡന്റ് പറഞ്ഞു. ജില്ലാ പ്രസിഡന്റ് മാത്യു പാറക്കല് അദ്ധ്യക്ഷത വഹിച്ചു. സംസ്ഥാന ജനറല് സെക്രട്ടറി സാമുവല് കിഴക്കുപുറം, മോനി ജോസഫ്, ഷിബു റാന്നി, മുഹമ്മദ് ഷാനി, അബ്ദുള് കലാം ആസാദ്, റെനീസ് മുഹമ്മദ്, മാത്യു ചാണ്ടി, ബാബു മാമ്പറ്റ, ഷാനവാസ് പെരിങ്ങമല, ജോസ് കൊടുന്തറ, ബിജു മണ്ണില്, സാമുവല് മൈലപ്ര, റ്റി.വി മാത്യു എന്നിവര് പ്രസംഗിച്ചു.
