തിരുവനന്തപുരം : സംസ്ഥാനത്ത് കുട്ടികള്ക്കും ഡി അഡിക്ഷന് സെന്ററുകള് ഒരുങ്ങുന്നുവെന്ന് മുഖ്യമന്ത്രി പിണറായി വിജയന്. ഓണ്ലൈന് ഗെയിമിന് അടിപ്പെടുന്ന കുട്ടികളെ സമൂഹത്തിന്റെ പൊതുധാരയിലേയ്ക്ക് കൊണ്ടുവരുന്നതിന് പോലീസിന്റെ ആഭിമുഖ്യത്തിലാണ് ഡിജിറ്റല് ഡി-അഡിക്ഷന് സെന്ററുകള് ആരംഭിക്കുന്നതെന്ന് മുഖ്യമന്ത്രി പറഞ്ഞു. സംസ്ഥാനത്തിന്റെ പലഭാഗത്തായി പോലീസുകാര്ക്ക് വേണ്ടി പണികഴിപ്പിച്ചതും നവീകരിച്ചതുമായ കെട്ടിടങ്ങളുടെ ഉദ്ഘാടനം ഓണ്ലൈനായി നിര്വ്വഹിക്കുകയായിരുന്നു അദ്ദേഹം.
പോലീസിനായി അടിസ്ഥാന സൗകര്യങ്ങള് ഒരുക്കുന്നതില് കഴിഞ്ഞ അഞ്ച് വര്ഷംകൊണ്ട് മികച്ച നേട്ടമാണ് കൈവരിച്ചത്. വിരലില് എണ്ണാവുന്ന പോലീസ് സ്റ്റേഷനുകള്ക്ക് മാത്രമാണ് സ്വന്തമായി കെട്ടിടം ഇല്ലാത്തത്. എത്രയും പെട്ടെന്നുതന്നെ ഇവയ്ക്കായി കെട്ടിടം നിര്മ്മിക്കുമെന്നും മുഖ്യമന്ത്രി പറഞ്ഞു. മാതൃകാപരമായ പ്രവര്ത്തനം വഴി ജനസേവനത്തിന്റെ പ്രത്യേക മുഖമാകാന് പോലീസിന് കഴിഞ്ഞു. ജനങ്ങളെ സേവിക്കുന്നതില് മറ്റാരെക്കാളും തങ്ങള് മുന്നിലാണെന്ന് അനുഭവത്തിലൂടെ തെളിയിക്കാന് പോലീസ് സേനയ്ക്ക് കഴിഞ്ഞുവെന്നും മുഖ്യമന്ത്രി പറഞ്ഞു.
