ചങ്ങനാശേരി : വാര്ദ്ധക്യ സഹജമായ അസുഖങ്ങളെ തുടര്ന്ന് ഛത്തീസ്ഗഡില് അന്തരിച്ച ബിഷപ് ഇമെരിറ്റസ് മാര് സൈമണ് സ്റ്റോക്ക് പാലാത്ര (87) യുടെ സംസ്ക്കാരം 22ന് ജഗദല്പുര് സെന്റ് ജോസഫ് കത്തീഡ്രലില് നടക്കും. ഉച്ചയ്ക്ക് രണ്ടു മണിക്കാണ് സംസ്ക്കാര ചടങ്ങുകള്. സീറോ മലബാര് സഭ സീനിയര് ബിഷപ്പും ജഗദല്പുര് രൂപത മുന് അധ്യക്ഷനും ആയിരുന്നു. ജഗദല്പുരിലെ എംപിഎം ആശുപത്രിയിലായിരുന്നു അന്ത്യം.
ചങ്ങനാശേരി പാലാത്ര പരേതരായ പി.ഡി.ഫിലിപ്പിന്റെയും മേരിയുടെയും മകനായാണ് ജനനം. ചങ്ങനാശേരി അതിരൂപത അംഗവും ചങ്ങനാശേരി വടക്കേക്കര സെന്റ് മേരീസ് ഇടവകാംഗവുമാണ്. 5 പതിറ്റാണ്ടിലേറെയായി ജഗദല്പുര് മേഖല കേന്ദ്രീകരിച്ചായിരുന്നു പ്രവര്ത്തനം.