കോട്ടയം : പൂഞ്ഞാറില് പരാജയപ്പെട്ട ജനപക്ഷം സ്ഥാനാര്ത്ഥി പി.സി ജോര്ജ്ജിന് ആദരാഞ്ജലി അര്പ്പിച്ച് ഫ്ലക്സ് ബോര്ഡ്. ഈരാറ്റുപേട്ടയിലാണ് ഫ്ലക്സ് ബോര്ഡ് പ്രത്യക്ഷപ്പെട്ടത്. ജോര്ജ്ജിന്റെ ജനന തീയതിയും മരണ തീയതിയും വോട്ടണ്ണല് ദിനവും ബോര്ഡിലുണ്ട്. ഫ്ലക്സിലെ മുഖം കരി ഉപയോഗിച്ച് വികൃതമാക്കിയിട്ടുമുണ്ട്. എന്നാല് ബോര്ഡ് സ്ഥാപിച്ചത് ആരെന്ന കാര്യം വ്യക്തമല്ല.
ഇന്നലെ തെരഞ്ഞെടുപ്പ് ഫലം പുറത്ത് വന്നപ്പോള് പിസി ജോര്ജ്ജ് പരാജയം ഏറ്റ് വാങ്ങുകയായിരുന്നു. എല്ഡിഎഫിന്റെ സെബാസ്റ്റ്യന് കുളത്തുങ്കലിനോട് 11,404 വോട്ടിനായിരുന്നു പി.സി തോറ്റത്. തോല്വി ഉറപ്പിച്ചതിന് ശേഷം പിസി ജോര്ജ്ജ് മാധ്യമങ്ങളോട് പ്രതികരിച്ചിരുന്നു. മൂന്നു മുന്നണിക്കുമെതിരെ മത്സരിച്ച തനിക്ക് രണ്ടാം സ്ഥാനം തന്ന പൂഞ്ഞാര് ജനതയോട് നന്ദിയുണ്ടെന്ന് അദ്ദഹം പറഞ്ഞു.
തെരഞ്ഞെടുപ്പ് വിജയം പിണറായിയുടെ സ്വന്തം നേട്ടമാണ്. കഴിഞ്ഞ അഞ്ചു വര്ഷം നടന്നത് മികച്ച എല്.ഡി.എഫ് ഭരണമായിരുന്നു. പരാതിയുണ്ടായിരുന്ന ജലീലിനേയും മേഴ്സിക്കുട്ടിയമ്മയേയും ജനങ്ങള് തോല്പ്പിച്ചു. കൊവിഡ്, വെളളപ്പൊക്ക സമയങ്ങളില് പിണറായി നടത്തിയ പ്രവര്ത്തനങ്ങള് അംഗീകരിക്കാതിരിക്കാന് കഴിയില്ല. എല്.ഡി.എഫിന്റെ, സി.പി.എമ്മിന്റെ എന്നൊന്നും പറഞ്ഞിട്ട് കാര്യമില്ല. യഥാര്ത്ഥത്തില് പിണറായിയുടെ സ്വന്തം നേട്ടമാണിത്. കേരളത്തിന്റെ ചരിത്രത്തില് അദ്ദേഹത്തിന്റെ ഭൂരിപക്ഷം ഇന്ന് 50,000 ആവുകയാണെന്നും ജോര്ജ് പ്രതികരിച്ചിരുന്നു.
