ചങ്ങനാശേരി: അമ്മയുമായി യുവാവിനുള്ള അവിഹിതബന്ധം പുറത്തറിയിച്ച പ്ലസ് ടു വിദ്യാര്‍ത്ഥിനിയായ മകള്‍ക്ക് നേരെ വധഭീഷണിയും ഉപദ്രവവും. സംഭവത്തില്‍ റാന്നി സ്വദേശിയും നിലവില്‍ ചങ്ങനാശേരി തെങ്ങണയില്‍ താമസക്കാരനുമായ ജോര്‍ജി സജി (മോന്‍കുട്ടന്‍ – 26)ക്കെതിരെ ചങ്ങനാശേരി ഡി.വൈ.എസ്.പിക്ക് പെണ്‍കുട്ടി പരാതി നല്‍കി. ചങ്ങനാശേരി പോലീസ് പെണ്‍കുട്ടിയുടെ മൊഴി രേഖപ്പെടുത്തി കേസ് രജിസ്റ്റര്‍ ചെയ്തു. തെങ്ങണയില്‍ ഇവന്റ് മാനേജ്‌മെന്റ് സ്ഥാപനം നടത്തുകയാണ് യുവാവ്. ഭര്‍ത്താവുമായി വേര്‍പെട്ട് കഴിയുകയാണ് വിവാഹിതയും മൂന്ന് കുട്ടികളുടെ മാതാവുമായ വീട്ടമ്മ.
ഇന്‍സ്റ്റാഗ്രാം വഴിയാണ് 38-കാരിയായ വീട്ടമ്മയും യുവാവും പരിചയപ്പെടുന്നത്. തുടര്‍ന്ന് പ്രണയം നടിച്ച് സൗഹൃദം സ്ഥാപിച്ച യുവാവുമായി വീട്ടമ്മ കൂടുതല്‍ അടുക്കുകയായിരുന്നു. ഈ വിവരങ്ങള്‍ മനസ്സിലാക്കിയ പ്ലസ് ടു വിദ്യാര്‍ത്ഥിനിയായ മകള്‍ സംഭവം സ്വന്തം പിതാവിനെ അറിയിച്ചു. ഇതോടെയാണ് യുവാവ് ഫോണിലൂടെ പെണ്‍കുട്ടിയെ ഭീഷണിപ്പെടുത്താന്‍ തുടങ്ങിയത്. ചങ്ങനാശേരി പോലീസിന് പുറമെ കോട്ടയം ശിശുക്ഷേമ സമിതിയും അന്വേഷണം ആരംഭിച്ചിട്ടുണ്ട്.
