കല്ലമ്പലം : കല്ലമ്പലം മത്സ്യമാര്ക്കറ്റില് ഭക്ഷ്യസുരക്ഷാ ഉദ്യോഗസ്ഥര് നടത്തിയ പരിശോധനയില് 120 കിലോ പഴകിയ ചൂര മീന് പിടിച്ചെടുത്തു. മാര്ക്കറ്റില് പഴകിയ മത്സ്യം നിരന്തരമായി വില്പന നടത്തുന്നുവെന്ന വിവരത്തിന്റെ അടിസ്ഥാനത്തില് വിവിധ സര്ക്കിളുകളിലെ ഭക്ഷ്യസുരക്ഷാ ഉദ്യോഗസ്ഥരുടെ മേല്നോട്ടത്തില് നടത്തിയ പരിശോധനയിലാണ് പഴകിയ മീന് പിടിച്ചെടുത്തത്.
ഇത്തരത്തില് പിടികൂടിയ മത്സ്യം നശിപ്പിക്കുന്നതടക്കമുള്ള നടപടികള് ഉദ്യോഗസ്ഥര് സ്വീകരിച്ചു. അടുത്തകാലത്തായി വിവിധ സ്ഥലങ്ങളില് പഴകിയ മത്സ്യം എത്തുന്നത് ജനങ്ങളില് ഭീതിക്കിടയാക്കുന്നുണ്ട്. ഉദ്യോഗസ്ഥരുടെ പരിശോധന കൃത്യമായി തുടരണമെന്ന് നാട്ടുകാര് ആവശ്യപ്പെട്ടു.
