ഡല്ഹി: ഡല്ഹി കലാപത്തെ വിമര്ശിച്ച ഇറാനെതിരെ പ്രതിഷേധമറിയിച്ച് ഇന്ത്യ. ഡല്ഹി കലാപത്തിനെതിരെ ഇറാന് വിദേശകാര്യ മന്ത്രി ജവാദ് സരിഫ് നടത്തിയ പ്രസ്താവനക്കെതിരെയാണ് ഇന്ത്യ പ്രതിഷേധമറിയിച്ചിരിക്കുന്നത്. സംഭവത്തില് ഇറാന്റെ പ്രതികരണം സ്വീകാര്യമല്ലെന്നും വിഷയം തികച്ചും ഇന്ത്യയുടെ ആഭ്യന്തര കാര്യമാണെന്നും വിദേശകാര്യ മന്ത്രാലയം അറിയിച്ചു. ഇറാന് സ്ഥാനപതി അലി ഷെഗേനിയെ വിളിച്ചു വരുത്തിയാണ് ഇന്ത്യന് വിദേശകാര്യ മന്ത്രാലയം പ്രതിഷേധമറിയിച്ചത്.
മുസ്ലീംങ്ങള്ക്കെതിരെ ഇന്ത്യയില് നടക്കുന്ന അതിക്രമങ്ങളെ ഇറാന് അപലപിക്കുന്നുവെന്നാണ് ജവാദ് സെരീഫ് ട്വീറ്റ് ചെയ്തത്. നൂറ്റാണ്ടുകളായി ഇറാന്റെ സുഹൃത്താണ് ഇന്ത്യ. എല്ലാ ഇന്ത്യക്കാരുടെയും ക്ഷേമം അധികാരികള് ഉറപ്പാക്കണമെന്നും പ്രസ്താവനയില് പറയുന്നു. ഇറാനെ പോലെയുളള ഒരു രാജ്യത്തിന്റെ ഭാഗത്ത് നിന്ന് ഇത്തരത്തിലുളള പ്രസ്താവനകള് പ്രതീക്ഷിച്ചതല്ലെന്നും ഇന്ത്യന് വിദേശകാര്യ മന്ത്രാലയം വ്യക്തമാക്കി.