ന്യൂഡല്ഹി : ഉത്തരേന്ത്യയില് ശീതതരംഗം തുടരുന്നു. ഡല്ഹിയില് യെല്ലോ അലേര്ട്ട് പ്രഖ്യാപിച്ചു. ഡല്ഹിയില് ശരാശരി താപനില 4.4 ഡിഗ്രി സെല്ഷ്യസ് വരെയെത്തി. ലോഥി റോഡില് റിപ്പോര്ട്ട് ചെയ്തത് 3.1 ഡിഗ്രി സെല്ഷ്യസാണ്. കൊടും തണുപ്പിനൊപ്പം 24,25 തീയതികളില് ചെറിയ മഴക്ക് സാധ്യതയുണ്ടെന്നും കേന്ദ്ര കാലാവസ്ഥ നിരീക്ഷണകേന്ദ്രം മുന്നറിയിപ്പ് നല്കിയിട്ടുണ്ട്.
അടുത്ത ബുധനാഴ്ച വരെ താപനില മോശമായി തുടരും. ഡല്ഹിയ്ക്ക് പുറമേ ഹരിയാന, പഞ്ചാബ്, രാജസ്ഥാന്, ഹിമാചല് പ്രദേശ് എന്നീ സംസ്ഥാനങ്ങളില് താപനില മൈനസ് ഡിഗ്രി സെല്ഷ്യസിന് താഴ്ന്നു. രാജസ്ഥാനിലെ ചുരുവില് ഏറ്റവും കുറഞ്ഞ താപനില മൈനസ് 2.6 ഡിഗ്രിയും സിക്കാറില് മൈനസ് 2.5 ഡിഗ്രി സെല്ഷ്യസും രേഖപ്പെടുത്തി. അമൃത്സറില് താപനില മൈനസ് 0.5 ഡിഗ്രി സെല്ഷ്യസ് എത്തി.
