തിരുവനന്തപുരം : ശബരിമലയില് അടുത്ത ആഴ്ച മുതല് ദര്ശനം അനുവദിക്കുമെന്ന് ദേവസ്വം മന്ത്രി കടകംപള്ളി സുരേന്ദ്രന് പറഞ്ഞു. വെര്ച്വല് ക്യൂ വഴിയാകും ദര്ശനമനുവദിക്കുക. വണ്ടിപ്പെരിയാര് വഴി പ്രവേശനമുണ്ടാവില്ല. ഒരേസമയം അമ്പതുപേര്ക്കായിരിക്കും ദര്ശനം. പമ്പയിലും സന്നിധാനത്തും തെര്മല് സ്കാനര് സ്ഥാപിക്കും. കൊവിഡ് നെഗറ്റീവ് സര്ട്ടിഫിക്കറ്റുള്ള അന്യസംസ്ഥാനക്കാര്ക്ക് ദര്ശനം അനുവദിക്കും. ശബരിമലയിലെ പൂജാരിമാര്ക്ക് പ്രായപരിധി ബാധകമല്ല. കൊവിഡ് മാനദണ്ഡം പാലിച്ചായിരിക്കും ആരാധന. ഗുരുവായൂരില് ദര്ശനത്തിന് ഓണ്ലൈന് രജിസ്ട്രേഷന് നടപ്പാക്കും. ശബരിമല, ഗുരുവായൂര് ക്ഷേത്രങ്ങളില് വി.ഐ.പി ദര്ശനം ഉണ്ടായിരിക്കില്ലെന്നും മന്ത്രി അറിയിച്ചു.
