തൃശൂര്: പെരിങ്ങല്ക്കുത്ത് ഡാമിന്റെ ഒരു സ്ലൂയിസ് ഗേറ്റ് ഇന്ന് ഉച്ചക്ക് രണ്ടുമണിക്ക് തുറക്കും. 202 ക്യുമെക്സ് ജലം ചാലക്കുടി പുഴയിലേക്ക് ഒഴുകും. പുഴയില് 0.50 മീറ്റര് ജലനിരപ്പ് ഉയരും. പുഴയോര വാസികള് ജാഗ്രത പാലിക്കണം. തമിഴ്നാട് ഷോളയാറില് നിന്നും പറമ്പിക്കുളം ഡാമില് നിന്നും അധികജലം പുറത്തുവിടുന്നത് മൂലമാണ് ഇത്. ഈ അധിക ജലം സംഭരിക്കാന് കേരള ഷോളയാര് ഡാം ഷട്ടറുകള് നാലടി ഉയര്ത്തും.
സംസഥാനത്ത് മഴ ശക്തമാകുന്നതിനാല് മലമ്പുഴ, പോത്തുണ്ടി ഡാമുകള് തുറന്നു. പോത്തുണ്ടി ഡാമിന്റെ മൂന്ന് ഷട്ടറുകള് ആണ് തുറന്നത്. അഞ്ച് സെന്റീമീറ്റര് വീതമാണ് ഷട്ടറുകള് തുറന്നത്. മലമ്പുഴ ഡാമിന്റെ നാല് ഷട്ടറുകള് ആണ് തുറന്നത്. ഷട്ടറുകള് അഞ്ച് സെന്റീമീറ്റര് വീതമാണ് തുറന്നത്. മലമ്പുഴ ഡാമിന്റെ സംഭരണ ശേഷി 115.06 മീറ്റര് ആണ്. നിലവില് ഡാമിലെ ജലനിരപ്പ് 113.59 മീറ്ററാണ്. ഇന്ന് വൈകുന്നേരം മൂന്ന് മണിയോടെ ബാണാസുര ഡാമുകളുടെ ഷട്ടറുകള് തുറക്കും.