ധര്മടo : ധർമ്മടത്ത് മത്സരിക്കാന് കെ. സുധാകരനുമേല് സമ്മര്ദം. കെപിസിസി അധ്യക്ഷന് മുല്ലപ്പള്ളി രാമചന്ദ്രന്റെ നേതൃത്വത്തിലാണ് ശ്രമം. സുധാകരന്റെ സമ്മതം കാത്തിരിക്കുന്നതായി മുല്ലപ്പള്ളി രാമചന്ദ്രന് മാധ്യമങ്ങളോടു പറഞ്ഞു. കരുത്തനായ സ്ഥാനാര്ഥി ധര്മടത്തു വരണമെന്നാണ് ആഗ്രഹിക്കുന്നത്. മുഖ്യമന്ത്രിയോടു മുഖാമുഖം പൊരുതാന് കെല്പുള്ള സ്ഥാനാര്ഥിയെ ആണ് പാര്ട്ടി തേടുന്നതെന്നും മുല്ലപ്പള്ളി പറഞ്ഞു. സമ്മര്ദവുമായി പ്രാദേശിക നേതാക്കളും രംഗത്തെത്തി. ധര്മ്മടത്തെ പ്രാദേശിക കോണ്ഗ്രസ് നേതാക്കള് കെ. സുധാകരനെ കാണാനെത്തി. സ്ഥാനാര്ഥിയാകണമെന്ന് എല്ലാവരും ഒറ്റക്കെട്ടായി ആവശ്യപ്പെട്ടു.
