ഉധംപുർ : ദുർഗ് എക്സ് പ്രസ് ട്രെയിനിൽ തീപിടുത്തം. മധ്യപ്രദേശിലെ മൊറേനയിൽ വെച്ചാണ് ട്രെയിനിന്റെ A 1, A2 കോച്ചുകളിൽ തീപിടിച്ചത്. അളപായമില്ലെന്നും യാത്രക്കാരെ സുരക്ഷിതമായി ഒഴിപ്പിച്ചെന്നും റെയിൽവേ അധികൃതർ അറിയിച്ചു. തീപിടിച്ച ഉടൻ യാത്രക്കാരുടെ ശ്രദ്ധയിൽപ്പെട്ടതാണ് വലിയ അപകടം ഒഴിവാകാൻ കാരണം.
ഉച്ചയോടു കൂടിയായിരുന്നു തീപിടുത്തം. മുൻ ഭാഗത്തുള്ള ബോഗികൾ നീക്കം ചെയ്ത് തീയണക്കുകയായിരുന്നു. കൂടുതൽ അന്വേഷണത്തിന് ശേഷം മാത്രമേ തീപിടുത്തത്തിന്റെ കാരണം വ്യക്തമാകു എന്നും അധികൃതർ വ്യക്തമാക്കി.
