തിരുവനന്തപുരo : കുട്ടിയെ അപമാനിച്ച പിങ്ക് പോലീസ് ഉദ്യോഗസ്ഥയ്ക്കെതിരെ കേസെടുക്കാന് ബാലാവകാശ കമ്മീഷന് ഉത്തരവിട്ടു. ബാലനീതി വകുപ്പുപ്രകാരം കേസെടുക്കാനാണ് ഉത്തരവ്. അപമാനത്തിനിരയായ കുട്ടിക്ക് മാനസികാഘാതം കുറയ്ക്കാന് നടപടി സ്വീകരിക്കണം. പോലീസ് സേനാംഗങ്ങള്ക്ക് പ്രത്യേക പരിശീലനം നല്കണം. നിലവില് കേസ് ഹൈക്കോടതിയുടെ പരിഗണനയിലാണ്.
ഉത്തരവ് നടപ്പാക്കി ഒരുമാസത്തിനകം റിപ്പോര്ട്ട് നല്കാനും നിര്ദേശമുണ്ട്. ഐഎസ് ആര് ഒയിലേയ്ക്കു വന്ന കൂറ്റന് വാഹനം കാണാന് വന്നതായിരുന്നു പിതാവും കുട്ടിയും . പിങ്ക് പോലീസിന്റെ വാഹനത്തിന് അടുത്ത് നിന്നതിനാല് പോലീസ് ഉദ്യോഗസ്ഥയുടെ ഫോണ് മോഷ്ടിച്ചു എന്നു പറഞ്ഞ് അപമാനിക്കുകയായിരുന്നു. തുടര്ന്ന് സഹപ്രവര്ത്തക ഉദ്യോഗസ്ഥയുടെ ബാഗില് നിന്ന് തന്നെ ഫോണ് കണ്ടെത്തുകയും പ്രശ്നം സൃഷ്ടിക്കാന് ശ്രമിച്ച പിങ്ക് പോലിസ് സംഭവസ്ഥത്ത് നിന്ന് മുങ്ങുകയും ചെയ്തു.
